“Nëse dështojnë zgjedhjet, Shqipëria do të përfundoj më keq se 97-ta, tmerr për Ballkanit”

Europa dhe SHBA-të po ndjekin me luspë zhvillimet në vendin tonë, shqetësimi i tyre ka rritur në të kuq!
Kështu, organizata Europiane ESI –“Iniciativa Europiane për Stabilitet”, në një raportin e saj paralajmëron se paralajmëron se standardet e dobëta të zgjedhjeve parlamentare të 23 qershorit mund të shkaktojnë një krizë të thellë politikosocilare, e cila mund të marrë përmasa të paparashikueshme!
Madje, në raport thuhet se Shqipëria mund të kthehet në Geto-n e Ballkanit!
“Këto zgjedhje nuk do të testojnë vetëm demokracinë në Shqipëri, por edhe zbatimin e ligjit. Mesazhi kyç nga gjithë vëzhguesit ndërkombëtarë, në veçanti nga Bashkimi Europian, duhet të jetë që të gjitha institucionet shqiptare duhet të respektojnë me rigorozitet ligjet që kanë miratuar ato vetë. Ka disa vija të kuqe që nuk mund të kapërcehen. Udhëheqësit shqiptarë duhet ta dinë se bota po vëzhgon. Deklarimi paraprak i këtyre vijave të kuqe e bën më të pamundur shkeljen e tyre: Së pari, anëtarët e administratës zgjedhore nuk mund të hiqen për arsye të papërcaktuara në Kodin Zgjedhor. Së dyti, numërimi, si dhe gjykimi i ankesave dhe apelimeve duhet bërë nëpërmjet vëzhgimit të rreptë të procedurave të Kodit Zgjedhor”, thuhet në raport.
Ndërkohë raporti bënë një analizë specifike të historikut të zgjedhjeve në vendin tonë, duke konfirmuar dhe problemet e mëdha politike, të cilat e lanë vendin në “klasë” drejt BE-së: “Një gjë e tillë do të shkaktonte një krizë madhore politike në Shqipëri. Një tjetër rezultat do të ishte humbja e çdo perspektive të besueshme progresi drejt integrimit në Bashkimin Europian në të ardhmen e afërt, dhe një spirale rrënimi politik, social dhe ekonomik në Shqipëri”, thuhet më konkretisht në këtë raport./alb-observer.com/