Studimi i INSTAT: 54 mijë fëmijë shqiptarë në punë të rënda

Studimi i INSTAT-it tregon se janë 7.7% e fëmijëve shqiptarë të kësaj moshe në të gjithë vendin, të cilët rezultojnë të punësuar në bujqësi, tregti, ndërtim, miniera apo edhe në shitje

Në vendin tonë punojnë 54 mijë fëmijë të moshës 5-17 vjeç. Është kjo panorama e një krize ekonomike që ka hedhur në tregun e punëve të rënda fëmijët shqiptarë. Studimi i INSTAT tregon se janë 7.7% e fëmijeve shqiptarë të kësaj moshe, në të gjithë vendin, të cilët rezultojnë të punësuar në bujqësi, tregti, ndërtim, miniera apo edhe në shitje. Por problem i madh, mbeten orët e gjata të punes dhe kushtet e vështira, me të cilat këta fëmijë punëtorë, duhet të perballen çdo ditë për të siguruar të ardhura minimale për të jetuar.

Studimi evidenton se 2.5 % e këtyre fëmijëve që janë meshkuj, punojnë në ndërtim dhe miniera, me orë të zgjatura dhe kushte aspak normale. Ndërsa 2.7 % punojnë në treg apo në rrugë, ku u duhet të perballen çdo ditë me temperaturat ekstreme, por edhe me tym e pluhur. Një pjesë e madhe e këtyre fëmijëve janë shkëputur nga shkolla, dhe punojnë me orë të zgjatura. Çështja bëhet edhe më e mprehte kur meson se edhe pse sipas ligjeve shqiptare fëmijët e moshës 5 deri ne 13 vjeç, nuk duhet të punojnë asnjë ore në jave, ata përbëjne gati 28.5 % të fëmijëve që punojnë.

Sipas studimit te INSTAT, 28% e fëmijëve që punojnë në Shqipëri janë në Qarkun e Elbasanit, 19% në Qarkun e Korçës, 13% në Qarkun e Shkodrës, 9% në Qarkun e Tiranës. Një pjesë e madhe e fëmijëve janë demtuar gjatë qendrimit në punë dhe manifestojnë lodhje, ose semundje të tjera.

Statistikat e INSTAT-it:

7.7% e fëmijëve 5-17 vjeç punojnë

2.5% punojnë në ndërtim dhe miniera

2.7% punojnë në treg apo në rrugë

28% e fëmijëve punojnë në Qarkun e Elbasanit

19% në Qarkun e Korçës

13% në Qarkun e Shkodrës

9% në Qarkun e Tiranës

kombetare.al

Ndoshta mos perkujdesja e prinderve saduhet per femijet,ndoshta edhe varferia e ben te vehten.Nuk di si ta cilesoj ket dukuri

Në vendin tonë punojnë 54 mijë fëmijë të moshës 5-17 vjeç

E paskan ekzagjeruar pak me kete moshen qe 5 vjeç!

28% e fëmijëve punojnë në Qarkun e Elbasanit

Mbase nga qe ka shum rom ne Elbasan

po qe punojn nga varferia qe ne kete mosh per kete ska dyshim