Mbi 8 mijë fëmijë shqiptarë me shtetësi greke

Ministria e Brendshme greke publikon të dhëna nga procesi i dhënies së nënshtetësisë greke fëmijve të emigrantëve, në zbatim të ligjit që u vendos në mars 2010 nga qeveria e PASOK-ut dhe që u shpall përfundimisht si antikushtetues nga Gjykata e Lartë Administrative, në nëntor 2012. Siç bëri të ditur në parlament zëvendësministri i Brendshëm, Haralambos Athanasiu, “numri i aplikimeve për nënshtetësinë greke që u paraqitën në periudhën nga 24 marsi 2010 deri më 22 gusht 2012, ishte 39 772. Nga këto aplikime, morën nënshtetësinë greke 13 425 shtetas të huaj”.

Sipas të dhënave, numri i përgjithshëm i personave që morën nënshtetësinë greke për arsye të lindjes në Greqi, ishte 4 595 persona. Nga këta, 3 501 aplikantë kishin Shqipërinë si vend origjine.

Për të njëjtën periudhë, numri i vendimeve për dhënien e nënshtetësisë greke për arsye të studimit në sistemin arsimor të Greqisë, ishte 5 550 vetë, nga të cilët 4 740 ishin shqiptarë. /INA)