Foto terrori në Londër: Vritet me hanxhar nga islamikët ushtari anglez

Një ushtar anglez ka gjetur vdekjen nga dy persona të armatosur gjatë një sulmi terrorist islamik. Nga videot shikohet që dy persona kanë goditur ushtarin dhe njëkohësisht kanë bërtitur “Allah Akbar” si dhe jane betuar se nuk do të ndalen së luftuari.
Dëshmitarët tregojnë për skena horror. Ushtari u godit me makinë dhe më pas trupin e tij e copëtuan me hanxhar në mes të rrugës. Mendohet se ata ia prenë kokën ushtarit. Menjëherë pas ngjarjes kanë mbërritur agjentët, të cilët kanë plagosur autorët me armë dhe mësohet se janë dërguar në spital për trajtim./alb-observer.com/

kamikazet

Londër, masakron barbarisht ushtarin, i kërkon kalimtarëve ta filmojnë (video, kujdes pamjet janë të rënda)
Një sulm i tmerrshëm ka ndodhur në Londër ku një ish-ushtar i forcave të armatosura britanike, u masakrua me thikë dhe armë të tjera të ftohta në mes të ditës në rrugë.

Ngjarja që tronditi kalimtarët dhe gjithë opinionin publik britanik, ndodhi rreth orës 14:00 me orën lokale.

Dëshmitarë nga vendi i ngjarjes thanë se kishin parë dy persona të armatosur me thika dhe kama, që iu vërsulën barbarisht një të riu duke e goditur atë dhjetëra herë në trup, ndërsa në fund i kanë prerë edhe kokën.

Policia mbërriti në vendngjarje, dhe qëlloi me armë ndaj dy autorëve që u plagosën. Kalimtarët thanë se ata nuk u përpoqën të arratiseshin pas aktit barbar. Një dëshmitar tha për Associated Press se dy personat, pasi kanë masakruar viktimën e tyre, kanë qëndruar të përgjakur në vend duke u kërkuar kalimtarëve që t’u bënin foto dhe filmime.

Aktualisht dy personat, ende të paidentifikuar, ndodhen në spital, njëri prej tyre në gjendje të rëndë.

Burime të pakonfirmuara, të cituara nga BBC, thanë se gjatë sulmit janë dëgjuar thirrjet “Allahu Ekber”, që supozon se sulmi mund të jetë një formë e re e sulmeve terroriste të ekstremistëve islamikë.

Ministrja e Brendshme, Theresa May thërriti në një mbledhje urgjente Komitetin e Sigurisë për të diskutuar për rastin në fjalë. BBC thotë Komiteti do të njihet me raportimin e plotë të policisë metropolitane dhe të shërbimeve sekrete, për të vlerësuar dhe kategorizuar sulmin si sulm terrorist apo si një ngjarje horror me motive të tjera.

Kryeministri britanik, David Cameron, ka thënë se ka indikacione të fuqishme se sulmi në Londër mund të jetë “incident terrorist”.

Duke folur në një konferencë për gazetarë në Paris, Cameron ka thënë se sulmi është “absolutisht i neveritshëm”.

Ai ka bërë të ditur se do të shkurtojë qëndrimin në Paris dhe se do të kthehet në Londër.

/Shekulli Online/ Përgatiti: E.L/