okrri serbëve: Kosova është shtet, kuptojeni

Tue 28 May 2013 - 19:21

Reagimit josportiv serb për ankesën në UEFA në lidhje me flamurin e Kosovës në finalen e Ligës së Kampionëve i kundërvihet kryetari i FFK-së, Fadil Vokrri.

“Përshëndes gjestin e Shaqirit. Atë që ai e bëri është shumë normale. Deshi vetëm që në momentet e gëzimit t’i tregojë të gjithëve nga është, cilit vend i takon dhe prej nga janë rrënjët e tij”, tha Vokrri për “Nase Novine”, transmeton sport1.

Ky medium serb madje ia ka parë për të madhe këtë reagim Vokrrit, duke e komentuar deklaratën e tij me fjalët: “Njeriu i cili së paku në media është munduar të dërgojë mesazhe paqeje dhe të mbaj marrëdhënie të mira me Tomislav Karaxhiqin, tani e ndërroi pllakën. Shumë ftohtë tha se njerëzit nga Federata serbe nuk duhet të akuzojnë Shaqirin.

“Zotëri Karaxhiqi nuk duhet të analizojnë dhe të flas nëse Shaqiri ka reaguar kështu apo ashtu. Ai dhe të gjithë ju duhet të kuptoni se Kosova është shtet. Na kanë pranuar më shumë se 95 shtete. Çka ka këtu diskutabile?”

“Në konstatimin e kolegëve tanë se notuesi, Milorad Caviq pas evropianit në Eindhoven është dënuar për mbishkrimin në fanellë ‘Kosova është Serbi’, Vokrri e kishte përgjigjen e gatshme: ‘Edhe kjo ju dëshmon se Kosova është shtet...”, shkruante ‘Nase Novine’. “Gjithsesi, Federatën e futbollit të Serbisë e presin ditë të vështira për këtë çështje sepse presioni në UEFA dhe FIFA që ekipet nga Kosova të lejohen të luajnë ndeshje ndërkombëtare është shumë i madh”, përfundon shkrimi në këtë medium.