Nikolic pranon se Kosova është shtet

Derisa krerët e Serbisë në deklaratat e tyre çdo ditë përpiqen të mohojnë ekzistimin e Kosovës si shtet, ka qenë pikërisht presidenti serb Tomislav Nikolic, i cili në një emision televiziv të hënën ka pranuar se Kosova është shtet i pavarur, duke thënë se “dy shtetet po dialogojnë” për të përmbushur kushtet e BE-së.
Presidenti serb, derisa po fliste në një emision në TV B92, në pyetjen e gazetares se në qoftë se dialogu në mes të Kosovës dhe Serbisë përfundon pa sukses “a do të ketë Serbia një rast tjetër për dialog”, Nikolic i ka dhënë Kosovës statusin e shtetit.

“Ky dialog është, sepse dy shtetet dëshirojnë të përmbushin kushtet”, ka thënë Nikolic, por pas një pauze prej disa sekondash atij do t’iu ketë kujtuar se është para kamerave televizive dhe do të korrigjohej, duke e quajtur Qeverinë e Kosovës “ administratë të përkohshme e cila dëshiron Marrëveshje për stabilizim asociim, kurse Serbia dëshiron të fillojë negociatat për anëtarësim në BE, transmeton portali serb Alo. /Telegrafi/

Ky eshte "pranim" per te lare gojen, duhet ta bejne fakt te kryer...

nga se edhe mos te pranonte,nuk ka fuqi te ndryshoj gje