Shvercerat – Shkup” bëhen gati për Tiranë

Nga dita e sotme të gjithë, thjesht të gjithë shqiptarët janë duke folur për ndeshjen shumë të rëndësishme që do të luajë kombëtarja shqiptare kundër Norvegjisë, e që luhet me 7 qershor në “Qemal Stafa” në Tiranë.

Kjo atmosferë ka filluar të ndihet edhe në Shkup, ku tifo grupi më i madh “Shvercerat Shkup” kanë filluar të bëhen gati për udhëtimin e tyre drejt Tiranës, që do të realizohet me disa autobus dhe vetura privat. “Shvercerat – Shkup” po përgatisin edhe një koreografi për ndeshjen Shqipëri – Norvegji

Sipas informacioneve që kemi mësuar përgatiten që së paku për Shqipëri të nisen 150 - 200 tifozë nga Shkupi nga “Shvercerat – Shkup”, të cilët do të bashkohen me “Plisat” nga Prishtina që gjithashtu do të jenë në numër 150 deri me 200 dhe tifozët e Tiranës “Fanatics” që janë 300.

Sipas tifozëve është bërë e vështirë të merret biletë plus për këtë ndeshje, pasi që më parë partitë politike shqiptare që janë në fushatë parazgjedhore, kanë blerë numër të madh biletash për anëtarët e tyre.
Tifozët “Shvercerat – Shkup”, publikisht kanë falënderuar Klubin e Mundjes Liria që u mundësoi të punojnë në palestrën “Mentaz Allajbegu”. /Portalb