Dëshmon në gjykatë fëmija 4-vjeçar: “Ja si më futi thonjtë edukatorja!”

Edhe pse është shumë i vogël, gjykata e Tiranës ka thirrur për të dëshmuar vogëlushin 4-vjeçar D.L., i cili sipas prokurorisë është bërë viktimë e një keqtrajtimi në kopsht nga edukatorja e tij. Gjykatësi Arben Micko, i cili po shqyrton dosjen penale ndaj edukatores A.T., e pyeti të miturin, në praninë e nënës së tij dhe psikologes në një seancë me dyer të mbyllura.
Për afro 30 minuta, vogëlushi treguar me shenja se edukatorja e ka kapur prej faqesh me thonj, duke e çjerrë, edhe pse mosha fare e vogël nuk i ka dhënë mundësi të japë shpjegime shumë të detajuara për ngjarjen, për shkak se prej ditës kur ka ndodhur kanë kaluar gjashtë muaj.

Nga ana tjetër avokati i edukatores e ka pyetur të voglin nëse zihej ndonjëherë me të vëllanë në shtëpi duke tentuar të ngrejë alibinë, se 4-vjeçari nuk është dhunuar nga edukatorja, por nga i vëllai./alb-observer.com/