Grupe anonimë hakerësh sulmojnë ueb-faqen e Qeverisë turke

Grup anonim hakerësh së bashku me armatën elektronike siriane, kanë sulmuar faqen së qeverisë turke, me siguri si përgjigje e dhunës policore ndaj demonstrantëve në Turqi. Informata për sulmin ndaj faqes së internetit të shërbimit të kryeministrit ishte publikuar përmes Tuiterit, ndërsa sot anonimët dolën me deklaratë në të cilën thonë se protestat i kanë ngritur në këmbë turqit, pas viteve të gjata të shtypjes nga ana e regjimit të fuqishëm. "Frika e ndryshoi anën, populli turk nuk frikohet, frigoken shtypësit", potencuan anonimët.

Ato pohojnë se me sulmin kanë marrë adresa të postës elektronike, kode dhe numra telefonik, të cilat megjithatë nuk janë publikuar. Armata elektronike siriane ka marrë mbi 60 adresa për postë elektronike dhe kode.

Qëllim i sulmeve të hakerëve kanë qenë edhe faqe të tjera qeveritare në Turqi. Lista e institucioneve shtetërore, faqe të të cilave kanë qenë të sulmuara është shpallur nga anonimët në Tuiter.