Wikileaks: “Dy vjet jetë për kryeministrin Erdogan”

Një mjek kirurg i cili mesa duket, bënte pjesë në personelin mjekësor që operoi kryeministrin turk Erdogan, i cili vuan nga kanceri në zorrën e trashë, tha se nuk i kanë mbetur më shumë se dy vjet jetë, sipas Statfort.
Një ditë para se të dërgohej ky mesazh, mediat turke theksuan se Ertogan nuk vuan nga kanceri dhe gëzon shëndet të plotë, pas operacionit të kryer më 26 nëntor 2011 në aparatin e tretjes.
Por në kabllogramet elektronike të Statford, të cilësuara tashmë si pjesë e CIA, duket se gjërat nuk janë ashtu siç paraqiten. Informuesi me kod TR325 dhe bashkëpunëtori i tij informojnë se Erdogan vuan nga kanceri, zbulon Wikileaks.
Në këtë komunikim elektronik të besueshëm, përmendet se kryeministri turk vuan nga kanceri i zorrës së trashë, por mjekët nuk i kanë marrë ende rezultatet e biopsisë së dytë, për të kuptuar nëse do të ketë metastaze.
“Gjatë ndërhyrjes së fundit kirurgjikale, Erdoganit iu hoqën 20 centimetra zorrë të trashë, kontrollova dhe gjeta që mesatarja e gjatësisë së saj është 1.5 metra. Ky është një operacion shumë serioz”, thuhej në kabllogram.