Rompuy: Jahjaga e Nikoliq në Samit, ngjarje historike

Në hapje solemne të Samitit, pos presidentit sllovak, presidentët e 20 shteteve i përshëndeti edhe presidenti i Këshillit të Evropës, Herman Van Rompuy.

Fillimin e fjalisë, Rampoy ia atribuoi Kosovës e Serbisë. Ai tha se është kënaqësi e jashtëzakonshme për të gjithë të pranishmit të shohin Presidenten e Republikës së Kosovës Atifete Jahjaga dhe Presidentin serb Nikoliq në një ngjarje të këtillë.

Presidenti Van Rompuy tha se kjo po ndodhë për herë të parë dhe si e tillë do të mbetet ngjarje historike, jo vetëm për Kosovën e Serbinë, por edhe për rajonin e tërë Evropën.

Para pak çastesh, solemnisht, filloi Samiti i shefave të shteteve të Evropës qendrore dhe juglindore në Bratislavë të Sllovakisë.

Ndonëse ky shtet ende nuk e ka njohur pavarësinë e vendit tonë, Presidentja e Republikës së Kosovës, Atifete Jahjaga, është ftuar të jetë pjesëmarrëse, sikurse edhe përfaqësues të 20 shteteve, e në mesin e tyre do të jete Presidenti i Serbisë Tomisllav Nikoliq.