Paramilitarë nga veriu i Kosovës mund të patrullojnë në Maqedoni

Fri 14 Jun 2013 - 14:03

Paramilitarë serbë serb nga veriu i Kosovës mudn do të vijnë në Maqedoni gjatë sezonit turistik të verës që pritet të çelet së shpejti, paralajmërojnë burime të “Lajm”-it. Ata mund të vijnë në Maqedoni në bazë të Marrëveshjes së nënshkruar në Beograd, në dhjetor të vitit 2011 mes Ministres së Punëve të Brendshme të Maqedonisë, Gordana Jankullovska dhe homologut të saj serb Ivica Daçiç.
“Ekzistojnë informacione se disa paramilitarë nga veriu i Kosovës janë bë pjesë e forcave policore serbe. Në kuadër të marrëveshjes për bashkëpunim Maqedoni-Serbi, ndonjëri prej tyre mund të futet në Maqedoni, gjatë sezonit turistik, kur edhe vijnë policët nga Serbia”, paralajmërojnë burimet e “Lajm”-it.
Të njëjtat burime nuk precizojnë nëse bëhet fjalë për policë serb që veprojnë momentalisht në veri të Kosovës, apo janë policë serb që më parë kanë vepruar aty dhe tani janë shpërngulur.
Në MPB-në maqedonase thonë se nuk ka vend për shqetësim, sepse kompetencat e policëve që vijnë nga vendet e huaja, në kuadër të marrëveshjeve [ër bashkëpunim [policor, kanë ingerenca krejtësisht simbolike.
Sipas marrëveshjes së nënshkruar në Beograd policë serbë do të patrullojnë gjatë sezoneve turistike në Ohër, Strugë, Tetovë etj. Ndërkaq që policë nga Maqedonia do të merrnin pjesë gjatë kohës së kampionatit evropian të hendbollit që u mbajt një vit më parë në Serbi.
Për praninë e policëve serb gjatë sezoneve turistike në Ohër, Strugë e Tetovë reaguan sektori civil dhe opozita shqiptare, ndërkaq, partitë në pushtet paralajmëruan se marrëveshje të ngjashme për këmbimin e policëve gjatë sezoneve turistike do të nënshkruhen edhe me Shqipërinë dhe Kosovën.
Megjithatë që atëherë ka kaluar më shumë se një vit e gjysmë dhe marrëveshje të ngjashme si me Serbinë për këmbim të policëve, akoma nuk janë nënshkruar me policinë e Shqipërisë dhe Kosovës.
Në maj të këtij viti Ministri i Brendshëm i Shqipërisë Flamur Noka dhe Ministrja e Brendshme e Maqedonisë Gordana Jankuloska në pikën kufitare të Qafë Thanës përuruan Qendrën e Përbashkët të Bashkëpunimit Policor midis Shqipërisë dhe Maqedonisë, si edhe nënshkruan memorandumin e bashkëpunimit në lidhje me strukturat e Kontrollit të Brendshëm dhe standardeve profesionale. Memorandum të ngjashëm me Serbinë, Maqedonia ka nënshkruar kohë më parë.