Kryeministri çek dha dorëheqje për shkak të dashures

Mon 17 Jun 2013 - 10:09

Kryeministri çek Petr Neçash ka kumtuar se jep dorëheqje nga funksioni i shefit të Qeverisë dhe nga lideri i partisë qeveritare Partia Demokratike Qytetare, njoftojnë medie të huaja.

Ai këtë hap e ndërmori për shkak të skandalit në të cilin, për keqpërdorim të Shërbimit Informativ ushtarak dhe korrupsion, është arrestuar e dashura e tij dhe shefja e kabinetit të tij Jana Nagj.

"Jam krejtësisht i vetëdijshëm se peripeci të jetës sime personale e ngarkojnë skenën politike dhe partinë Qytetare. Jam i vetëdijshëm për pasojat që kanë për mua. Jam i vetëdijshëm për përgjegjësinë politike", ka thënë Neçash.

Dora e djathtë e kryeministrit dhe sipas njohurive të policisë, dashnorja e Neçash, pos që është e implikuar në korrupsionin e tre deputetëve, ka keqpërdorur edhe Shërbimin Informativ ushtarak duke i dhënë detyra që ta përcillte gruan e e kryeministrit Ratka Neçash

Jana Nagj e kishte bërë këtë punë vjet pasi e kishte detyruar kryeministrin të ndahej nga bashkëshortja pas 27 vjet martese.

Nagj mbrohet duke thënë se bashkëshortja e Neçash shoqërohej me njerëz të dyshimtë nga sekti Jehovai dhe pasi kishte mbledhur para për ta, ndaj dhe kishte kërkuar të verifikohej kjo gjë, siç thotë “që të mos ndodhë skandal”.