Mesila Doda kandidate e PD-së Fier thyen heshtjen: “Humbëm, kjo është dita më e vështirë

Mesila Doda kandidate e PD-së Fier thyen heshtjen: “Humbëm, kjo është dita më e vështirë që nga viti 1997”

Thyhet heshtja e anëtarëve të Partisë Demokratike, pranojnë një e nga një humbjen e thellë në këto zgjedhje.

Dhe kjo thyerje e heshtjes, vjen me një njoftim publik nga Melisa Doda, kandidate e PD-së në qytetin e Fierit, e cila me anë të një statusi të saj në facebook pranon publikisht humbjen e thellë, edhe pse ajo thotë se do të ketë “reflektim”.

“Kjo është dita më e vështirë për militantët e PD pas vitit 97′. Të dashur militantë, simpatizantë të PD… ditët e ardhshme do kemi mundësinë të reflektojmë mbi këtë votë të shqiptarëve. E vetmja gjë që dua t’ju them është që do jem me ju në çdo ditë të jetës sime, dhe do kërkoj vetëm të risjellim parimet e shenjta mbi të cilat ngritëm Partinë Demokratike të vitit ’90. Ne jemi dhe do jemi forca që sjellim progres në këtë vend! Do jem me ju për risjelljen e atyre parimeve që na bëjnë ta duam këtë vend të zhvilluar, demokratik, europian!!!” shkruan Doda në Facebook./alb-observer.com/