Në vend të lotëve, nga sytë i rrjedh gjak

Një rast i veçantë i një pacienteje në Kili i ka ngatërruar mjekët, duke mos ditur t’i japin një shpjegim. Bëhet fjalë për 20-vjeçaren Yaritza Olivia nga krahina e Purranque, e cila sa herë që qan, në vend të lotëve nxjerr gjak. E reja filloi të lotonte gjak që nga fillimi i muajit, ndërsa ky fenomen i përsëritet disa herë gjatë ditës.

Pas kontrollit mjekësor, mjekët nuk arritën në ndonjë rezultat, pasi nuk gjetën asnjë lloj infeksioni. Tashmë familjarët e saj kërkojnë nga miqtë dhe të afërmit që t’i ndihmojnë ekonomikisht me qëllim që ta dërgojnë Yaritza-n në ndonjë qendër okuliste më të specializuar.

Sipas britanikes “The Sun”, Yaritza mund të vuajë nga sëmundja e rrallë haemolacria. Deri më sot janë shënuar vetëm 3 raste në gjithë botën. Por nuk përjashtohet as fakti që gjaku që rrjedh nga sytë e saj të shkaktohet si pasojë e ndonjë tumori, apo nga niveli i lartë i hormoneve, thuhet në shkrimin e gazetës. /alb-observer.com/