Bill Gates bëhet sërish njeriu më i pasur në botë

Bloomberg ka publikuar së fundmi renditjen e njerëzve më të pasur në planet. Surpriza: Bill Gates ngjitet sërish në krye të listës.

Duke përfituar nga rritje e aksioneve të Microsoft, Bill Gates është rikthyer sërish në krye të listës së personit më të pasur në botë duke kaluar Carlos Slim, me një pasuri prej 73.7 miliardë dollarë.

Pasuria e tij kap shifrën e 73.7 miliardë dollarë duke u rritur me 17.4% që nga fillimi i këtij viti, ndërsa ajo e Carlos Slim ka rënë me 5.1% duke arritur shifrën 71 , 4 miliardë.

Ish-kreu i Microsoft nuk është i vetmi IT i pranishëm në këtë klasifikim; në vendin e 8-të renditet Larry Ellison, presidenti i përgjithshëm i Oracle, me një pasuri prej 42.3 miliardë dollarë. /albeu.com/