: “Merkel pushoi nga puna Berlusconin”

Në tetor telefonata e kancelares gjermane Angela Merkel për presidentin e Italisë, Giorgio Napolitano: “Nuk besoj se Berlusconi ka forcën e duhur për përballimin e krizës”.

Presidenca italiane ka mohuar menjëherë këtë lajm duke thënë: “Asnjë ndërhyrje në politikën tonë të brendshme”.

Wall Street Journal (WSJ) publikon lajmin sipas të cilit kancelarja Merkel i ka telefonuar presidentit Napolitano ku i ka sugjeruar të ndërrojë kryeministin duke parë se Silvio Berlusconi nuk duket aq i fortë sa duhet në përballimin e krizës nga Italia.

Në Itali kanë reaguar menjëherë presidenca dhe disa figura të politikës pranë Berlusconit.

Sipas një deklarate të presidencës nuk ka pasur asnjë ndërhyrje në punët e brendshme të Italisë, duke përgënjeshtruar kështu lajmin e dhënë nga gazeta amerikane Wall Street Journal (WSJ).