I dhuroi veshkën shefes, ajo e pushoi nga puna

Si këmbim për veprimin e mirë që bëri Debbie Stevens, një grua nga Nju Jorku, ishte që të pushohej nga puna.

47-vjeçarja mori një vendim shumë të guximshëm. Dhuroi një nga veshkat e saj, me qëllim që të operohej më shpejt punëdhënësja e saj.

Duke dhuruar veshkën tek një mashkull që ndodhej në listën e pritjes, Stevens do të ndihmonte për të shkurtuar kohën e pritjes së shefes së saj për transplantim veshke , sepse ajo renditej pas burrit që kryesonte listën e pritjes.

Jackie Brucia, falë Stevens tashmë gëzon një shëndet më të mirë. Veshka e re i shpëtoi jetën. Por ky fakt nuk e pengoi atë për të mos e pushuar nga puna 47-vjeçaren.

Kur Stevens u kthye në postin e punës së saj, nuk u pagua asnjëherë për orët që punonte jashtë orarit. Më vonë u vendos në një post më të ulët, në një degë tjetër të kompanisë, 50 milje larg shtëpisë së saj.

Dhe nuk vonoi të vinte pushimi nga puna. “I dhashë veshkën time dhe më mori edhe zemrën”, deklaroi 47-vjeçarja për gazetën “New York Post”. Ky veprim tregon se sa mosmirënjohës janë njerëzit. /albsobserver.com/