12 vjet burg për të dashurin e gruas më të pasur të Azisë

Me 12 vjet heqje lirie u dënua ish-i dashuri i miliarderes Nina Guang. Gjykata e shpalli atë fajtor për veprën penale të falsifikimit të testamentit të saj, prej të cilit përfitoi 4 miliardë dollarë.

Piter Chan, sot 53-vjeçar, ishte për shumë vjet i dashuri i “gruas më të pasur të Azisë”, që të gjithë e njihnin si “Little Sweetie”.

Pas shumë seancave gjyqësore, gjykata e lartë e Hong Kongut, arriti në përfundimin se pas vdekjes së saj në vitin 2007, Chan falsifikoi testamentin e të dashurës së tij 23 vjet më të madhe në moshë, dhe ndërhyri në pasurinë e saj.

53-vjeçari Chan, i cili ka qenë mësues i Feng Shui, u shfaq në sallën e gjyqit bashkë me bashkëshorten e tij. Ai nuk tregoi asnjë emocion apo shprehi në fytyrë kur mësoi se llogaria e tij bankare do të zbrazet krejt dhe se 12 vitet e ardhshëm do t’i kalojë prapa hekurave të burgut. /alb-observer.com/