Tentojnë ta ndërrojnë flamurin e Kosovës me atë të Serbisë

Në faqen zyrtare në Facebook të organizatës suedeze "Nordisk Ungdom" (Rinia nordike), janë botuar fotot e aktivistëve të tyre, të cilët kanë hipur në shkallë për ta ndërruar flamurin e Kosovës me atë të Serbisë. Por, nuk ia dolën, sepse arrestohen nga policia.
Këtë akt ata e synuan më 28 qershor, me rastin e festës serbe të Vidovdanit, tek ambasada e Kosovës në Stokholm.

“Përherë do të jemi në anën e vëllezërve serbë, kudo në Evropë. Një ditë Kosova do të jetë sërish serbe, ndërsa Evropa do t’ju takojë evropianëve”.