Peshkaqeni i lind të vegjlit në sy të pushuesve

Një episod i pazakontë ka shoqëruar ditën e djeshme pushuesit në Florida, teksa kanë parë nga afër lindjen e të vegjëlve të një peshkaqeni.

Ngjarja e pazakontë ka ndodhur në Panama City Beach, ndërsa është xhiruar nga pushuesit teksa një peshkatar zuri një peshkaqen fare pranë bregut dhe e tërhoqi drejt rërës duke bërë që të zgjojë kureshtjen e turistëve.

Pasi panë peshkaqenin e llojit çekan, i cili sapo doli në breg solli në jetë 3 të vegjlit e tij, pushuesit u munduan ta çonin sërish në ujë, por ai ngordhi.

Pas lindjes zakonisht peshkaqenët i lënë të vegjlit e tyte të lirë, të cilët jetojnë të pavarur në det.

Peshkaqenët e llojit çekan qëndrojnë zakonisht në zona shkëmbore, por ata janë të parrezikshëm për njerëzit, pasi nuk sulmojnë në rast se nuk i ngacmon.

/Shekulli Online/ E.L/