Në Greqi jetojnë 480 mijë shqiptarë

Në Greqi jetojnë mbi 480 mijë shqiptarë. Këtë thotë Censusi i vitit 2011 për regjistrimin e popullsisë në këtë shtet.
Sipas të dhënave të publikuara, shqiptarët përbejnë 52.7% , që është dhe numri më i madh i emigrantëve të jetojnë në Greqi. Gjatë Censusit në total numri i rezidentëve të përkohshëm të huaj në Greqi ishte 911 929 persona. Pas Shqipërisë që zë 52.7% të të huajve që jetojnë në Greqi, vijnë bullgarët me 8.3%, rumunët me 5.1%, pakistanezët me 3.7% dhe gjeorgjianët me 3%.
Censusi i vitit 2011 tregon se në total numri i popullsisë në Greqi është 10.8 milionë, ku 9.9 milionë kanë nënshtetësi greke, 199 mijë janë qytetarë të BE-së, 708 mijë janë qytetarë të vendeve të tjera dhe mbi 4 mijë rezultojnë pa shtetësi apo me kombësi të paqartë.