Pogradec, pranga djalit, dhunoi babanë me grushte

Dhuna në familje ka marrë përmasa shqetësuese muajt e fundit, ku për pasojë ka pasur edhe viktima. Një 30-vjeçar është arrestuar nga policia e Pogradecit pasi ka ushtruar dhunë mbi babanë e tij.

Olgert Mimini është vënë në pranga nga uniformat blu pasi ka goditur me grushte dhe mjete të forta babanë e tij Isa Mimini pas një debati me këtë të fundit.

Ngjarja ka ndodhur në lagjen numër 1 të qytetit të Pogradecit në banesën e familjes Mimini ndërsa policia ka arrestuar 30-vjeçarin pas denoncimit të babait të tij.

Sipas policisë, ndalimi i 30-vjeçarit u bë me akuzën e “Dhunës në familje”.

/Shekulli Online/ E.L/