Itali, mjeku gjinekolog përdhunon 19-vjeçaren shqiptare

Një ngjarje e rëndë ka ndodhur në Itali, ku një 19-vjeçare shqiptare është përdhunuar nga një mjek gjinekolog. Mediat italiane bëjnë të ditur se vajza e ka depozituar denoncimin në polici ndaj gjinekologut Carlo Gambaro, 62-vjeç. Ngjarja ka ndodhur në Novara të Italisë, ku vajza kishte shkuar për vizitë në spital dhe mjeku që e kishte vizituar kishte abuzuar me të.

Ajo thotë se, pas bërjes së ekografisë, mjeku kishte filluar t’i bënte pyetje personale. Ai e kishte pyetur se çfarë tip marrëdhëniesh seksuale preferonte dhe më pas e kishte përdhunuar vajzën shqiptare.

Vajza për ditë me rradhë ka qenë e tronditur nga ngjarja dhe pasi është konsultuar me disa shoqe të sajat ka vendosur të bëjë denoncimin. Policia lokale pasi ka hetuar ka zbuluar se ky nuk ishte rasti i parë që mjeku përdhunonte pacientet. Mësohet se gjinekologu ka përdhunuar edhe dy vajza të moshës 29 dhe 19 vjeçe, edhe këto me nënshtetësi të huaj.

Gjatë hetimeve, është zbuluar se në lidhje me këto veprime të këtij mjeku kishte fjalë prej vitesh, duke nisur që nga vitet ’90, por nuk kishte pasur asnjë denoncim.

“Nga hetimet kemi mësuar se shumë prej grave që janë vizituar tek ky mjek, janë ankuar për këto lloj sulmesh, por pa e denoncuar asnjëherë atë. Zakonisht ai sulmonte vajza e reja dhe të këndshme dhe mundësisht të huaja. Sigurisht që ka edhe vajza të tjera që janë sulmuar seksualisht dhe ne presim që të vijnë e të denoncojnë”, ka deklaruar Silvia Passoni drejtuesja e hetimeve në Kuesturën e Novarës.

/Shekulli Online/ E.L/

ky mjek italian ka dhunua femrat e huja e asnje femer italiane sepse shteti italian nuk i mbron shiptart apo te tjert si nuk jan italian

Mire do ishte Tia prisnin bibilushin me gersher hardhish

taljont qefli jane
po tani do ta perdhunojne kete taljonin ke burgu

Para se te shkojne te gjinekologu duhet tri here te mendohen e nje here te shkojne te gjinekologu mashkull!