Elefantët kuptojnë gjestet tona

Elefantët treguan një zotësi instiktive për të kuptuar gjestet e njeriut. Në këtë përfundim mbërriti një grup shkencëtarësh britanikë pas testeve të njëpasnjëshme me kafshët.

Në testime u përfshinë vetëm elefantët afrikanë. Ata u vendosën në dilemën e përzgjedhjes së njërës prej dy kovave identike me ushqim që kishin përpara. Një person e orientonte elefantin me dorë si për t’i thënë “zgjidh këtë”, dhe elefanti nuk gabonte, shkonte drejt objektit të orientuar.

Udhëheqësi i kërkimit, Richard Bryne deklaroi se kafshët deri më tani ishin trajnuar vetëm për t’iu përgjigjur thirrjeve zanore dhe asnjëherë nuk ishin vënë në testim për të ndjekur gjestet.

“Në shpresonim që elefantët të mund të mësonin të orientoheshin sipas gjesteve tona, por mesa duket zotësia e elefantëve për të ndjekur gjestet është e lindur, e natyrshme”, tha Byrne.

top-channel.