E dhunuan grabitësit, ndërron jetë 87-vjeçari në spital

Pasditen e djeshme ka ndërruar jetë një i moshuar i cili një javë më parë ra pre e disa grabitësve brenda shtëpisë së tij në Sarandë. Grabitësit përveçse kanë mundur të boshatisin shtëpinë, ata kanë masakruar edhe të moshuarin aq sa, nuk mundi të iu mbijetonte dot plagëve të marra. Policia ende nuk ka asnjë lloj emri për atë ngjarje të rëndë të ndodhur në Velahovë, ku u grabit banesa e 87- vjeçarit Konstandin Boli dhe u qëllua mbi të me mjete të forta. Natën e ngjarjes, në banesën e të moshuarit kishin hyrë dy persona të cilët kishin mundur të grabisnin të gjitha paratë dhe disa gjëra me vlerë. Në shtëpi në momentin e grabitjes ka qenë edhe bashkëshortja e viktimës së atij sulmi barbar.

Edhe ajo është keqtrajtuar nga ana e autorëve por ka mundur t’i mbijetojë sulmit, ndërsa ka dhënë edhe dëshminë në lidhje me ngjarjen për efektivët e policisë së Sarandës. Sipas burimeve bëhet e ditur se, kjo ngjarje vijohet të hetohet intensivisht dhe policia pretendon se ka identifikuar autorët por ende nuk bëhet me dije se kush janë autorët e asaj ngjarjeje të rëndë. Vetëm pak ditë para se të sulmohej shtëpia e çiftit të të moshuarve, qyteti i Sarandës u trondit nga një tjetër krim i rëndë ku një grua u gjet e masakruar në banjën e shtëpisë së saj nga persona që ende nuk janë identifikuar shekulli.

kriminelet nuk kan mshir