Gruaja shtatzënë godet barkun me çekiç

Kishte përfunduar në gazeta për lindjen e pazakontë që kishte bërë. Heather Thorpe, një nënë e re nga Birmingham, në Britaninë e Madhe përballet me një akuzë të rëndë duke ngjallur reagimin e mijëra njerëzve. Ish-partneri i saj ka deklaruar se ka një filmim që tregon gruan e re shtatzënë teksa qëllonte barkun e saj me çekiç, për të demonstruar se sa i shëndetshëm ishte fëmija i saj. Videoja u xhirua pak javë para lindjes së djalit të saj, Jonathan.

Burri tregoi se po xhironte me “iPhone” në shtëpinë e tij në Birmingham, kur fiksoi skenën e pazakontë. Heather kishte marrë një çekiç dhe qëllonte mbi barkun e saj të fryrë duke thënë, “e shikon sa i fortë është fëmija im, një superbebe”. I shokuar nga ajo që po shikonte ish-partneri i saj Hanlon deklaroi se, nuk u besonte syve se çfarë po shikonte, duke lajmëruar policinë, por se kjo e fundit nuk reagoi. Më tej ai shton, “nëse do kishte qëlluar një fëmijë me çekiç, me siguri që do ishte në burg”. Sakaq nga ana e mjekëve thuhet se Thorpe e ka rrezikuar seriozisht shëndetin e fëmijës.

/Shekulli Online/ E.L./