Qeni shpëton foshnjën, e kishin hedhur në park

Një qen me emrin Xhejd i shpëtoi jetën një foshnje, e cila ishte lënë në një shkurre në një park në Birmingem. Ngjarja ka ndodhur para pak ditësh, ku i zoti i qenit Roxher Vildej 68 vjeç, ndërsa po shëtiste nëpër park, qeni Xhejd është larguar nga ai dhe i është afruar një shkurreje.Vildej tregon se e kishte thirrur qenin që ta ndiqte, por ai s’e kishte dëgjuar. I befasuar edhe vetë i zoti nga reagimi i qenit, i është afruar shkrues dhe kishte vënë re një qese. Ai fillimisht kishte menduar se qesja ishte e mbushur me plehra, por pastaj kishte vënë re se diçka po lëvizte brenda saj.

“Pash se në të diçka lëvizte, kujtova mos kishte brenda kotele, por ndërkohë pash një dorë dhe kokën, e pastaj foshnja nisi të qajë”, tha Vildej.

Ai menjëherë kishte lajmëruar ambulancën, e cila arriti në vendngjarje. Pasi bebja u dorëzua në spital, mjekët konstatuan se bëhej fjalë për një foshnje disaditëshe e gjinisë femër.

Mamitë e kishin pagëzuar foshnjën me emrin Xhejd, sipas emrit të qenit që e kishte shpëtuar.

Policia po heton për gjetjen e nënës së foshnjës.

/Shekulli Online/ E.L./