META E BEQJA UROJNË TOPALLIN PËR 50-VJETORIN

Ministri i Shëndetësisë të Shqipërisë, Ilir Beqja, në një replikë të shkurtër pas fjalës së ish-kryetares së Kuvendit, Jozefina Topalli, i uroj kësaj të fundit 50-vjetorin e lindjes.

Ministri Beqja tha se: “Ju thatë se ne ndjellim gjuhën e urrejtjes, por e vetmja replikë që kam unë me ju është urime 50-vjetorin”.

Me këtë urim u bashkua edhe kryetari i Kuvendit Ilir Meta. Kryetari Meta u shpreh se: “Unë e dija që replika e Ilir Beqjës kishte të bënte me urimin, e ndaj ne të gjithë bashkohemi me urimin e tij”.

Pas fjalës në Kuvend dhe pas urimeve, Jozefina Topalli u largua nga salla.