6-vjeçarja vjedh argjendarinë, merr 133 mijë dollarë

ARABI SAUDITE-Kemi dëgjuar shpesh të kryhen vjedhje nga më të ndryshmet, nga ato që shpesh etiketohen se “vjedhje spektakolare”, por nuk kemi parë që akte të tilla të bëhen nga të mitur. Kësaj radhe ka qenë një 6-vjeçare, ajo e cila ka arritur të vjedhë 133 mijë dollarë. 6-vjeçarja nga Arabia Saudite, emri i së cilës nuk bëhet i ditur, ka mundur të vjedhë në një argjendari në Arabinë Saudite, 133 mijë dollarë. Vajza e vogël shoqërohej nga dy gra, të mbuluara me perçe, të cilat duke u organizuar me njëra-tjetrën arritën të hutonin shitësin, ndërkohë që 6-vjeçarja u fut në banak, raporton "Daily Mail".

Brenda pak sekondave vajza arriti të vjedhë 133 mijë dollarë, të cilat menjëherë ia dha njërës prej grave të mbuluara. Videoja e publikuar në “youtube” tregon qartë detajet e ngjarjes. Ajo që ende nuk dihet, është nëse autoritetet e policisë kanë arritur apo jo ta kapin vogëlushen së bashku më gratë që asistuan në vjedhjen e parave.

/Shekulli Online/ E.B./