Aktorja që na përshëndeti "Shqip"

Aktorja e famshme nga Kosova, Arta Dobroshi, ka prezantuar një çmim në “Ceremoninë e Akademisë Evropiane të Filmit në Berlin”.

Kjo është një nga ceremonitë më të mëdha në botën e filmit, e cila konsiderohet si “Oscari”-i i Evropës.

Përpara se të prezantonte çmimin, aktorja përshëndeti të gjithë pjesëmarrësit në shqip. “Keni shumë të fala nga i gjithë populli i Kosovës”, - tha Dobroshi.

Vlen të theksohet fakti se në këtë ceremoni, është hera e parë që flitet shqip. Pjesëmarrës në të ishin, Kristin Scott Thomas, Diane Kruger, Christopher Lambert, regjisori Pedro Almadovar si dhe kompozitori Ennio Morricone.

/Shekulli Online/S.H./