Pjesëmarrja në terrorizëm, Arabia cakton masën ‘Burg deri në 20 vjet’

Pjesëmarrja në terrorizëm, Arabia cakton masën ‘Burg deri në 20 vjet’ARABIA-Mbreti Abdullah i Arabisë Saudite deklaroi sot nënshkrimin e një dekreti që parashikon një dënim deri në 20 vjet burg për pjesëmarrje në luftime në vende të huaja dhe “anëtarësisë në grupe terroriste”.

“Pjesëmarrja në luftime jashtë territori të Mbretërisë, nuk ka rëndësi se në çfarë lloj forme, do të ndëshkohet me dënime që nisin nga tre dhe arrijnë deri në 20 vjet burg”, sipas një dekreti të publikuar sot.

“Anëtarësimi në grupet fetare dhe ideologjike ekstremiste, të konsideruara si organizata terroriste, në planin e brendshëm, rajonal apo ndërkombëtar po ashtu do të jetë subjekt i të njëjtave ndëshkime me burgim”, sipas po të njëjtit dokument të nënshkruar Mbreti Abdallah i Arabisë Saudite.

(d.b/BalkanWeb)