Thaçi refuzon ftesën për Lutjet e Mëngjesit

04.02.2014 | 08:59 Kryeministri Hashim Thaçi nuk do të marrë pjesë këtë vit në Lutjet e Mëngjesit, në Shtetet e Bashkuara të Amerikës. Ai ka treguar se ka marrë ftesë nga Kongresi amerikan, por për shkak të agjendës së tij të ngjeshur nuk do të mund të marrë pjesë.
“Pata një bisedë me kongresmenin Aderholt për ta falënderuar për ftesën e Kongresit amerikan për Lutjet e Mëngjesit që do të mbahen këtë javë. Kongresmenin e nderuar e njoftova se me keqardhje nuk do të arrij të marr pjesë sivjet për shkak të agjendës së ngjeshur ndërsa në Washington, në Lutjet e Mëngjesit Kosova do të jetë e përfaqësuar nga një grup qeveritarësh dhe deputetësh të pozitës dhe opozitës të ftuar nga Kongresi amerikan”, ka shkruar Thaçi në rrjetin social “Facebook”.