Inteligjenca e “shkruar” në gen

Shkenctarët e “King College” në Londër kanë zbuluar genin e parë i cili duket se është i lidhur drejtëpërdrejtë me inteligjencën. Hulumtuesit kanë arritur të gjejnë se adoleshentët të cilët kanë një gen funksional të quajtur NPTN arrijnë të kryejnë më mirë testet e inteligjencës sesa ata të cilët nuk e mbartin atë.Sipas shkencëtarëve, ky gen në mënyrë indirekte ndikon që qelizat e trurit të komunikojnë dhe të kontrollojnë formimin e lëvores cerebrale, pjesa buzë trurit të njeriut e njohur edhe si “substanca gri”.

Arsyeja se pse ky gen i zbuluar është quajtur “geni i inteligencës” është për shkak se substanca gri luan rol kyç në vëmendjen, kujtesën, vetëdijen, mendimin dhe artikulimin e gjuhës tek njeriu.

Studimet kanë vertetuar se gjithashtu kjo substancë lidhet edhe më aftësinë intelektuale të njeriut, por për këtë të fundit ende nuk është identifikuar asnjë gen që ta vërtetojë.