A e morën prej Google planin për stadiumin kombëtar?

Legjenda shkruajti:Qeveria e Kosovës mori sot vendim për ndërtimin e Stadiumit Kombëtar të Kosovës në Prishtinë. Nëpërmjet rrjetit social Facebook, kryeministri Hashim Thaçi, ka shpërndarë një fotografi, derisa poshtë saj shkruan se stadiumi i ri do të jetë i standardeve ndërkombëtare, me rreth 30 ulëse.
"Si një tifoz futbolli dhe si Kryeministër i vendit dëshiroj që Përfaqësuesja e Kosovës të marr pjesë në mënyrë dinjitoze në garat ndërkombëtare. Për këtë na duhet një stadium i nivelit botëror. Sot ju njoftoj se kemi vendosur që të ndërtojmë një stadium me kapacitet prej rreth 30 mijë ulëse në kryeqytet. Bëjani share këtij postimi, nëse edhe ju e mbështesni këtë nismë për stadiumin e ri", shkruan Thaçi i në Facebook.
Të njëjtën fotografi e ka shpërndarë Ministri i Kulturës, Rinisë dhe Sportit, Memli Krasniqi.
"Ja pra, edhe një projekt gjigant i paralajmëruar me herët, po e merr rrugën e realizimit", shkruan Krasniqi.
Por, a u mor ky projekt në Google? Fotografia e publikuar, mund të gjendet lehtë në Google.







Data: 18 Mars 2014 21:00