Vëllai nuk pranon bashkëjetesën e motrës, e mbyll në shtëpi

Fanatik në disa rregulla strikte, nuk mund të pranonte bashkëjetesën e motrës së tij, të paktën jo pa u martuar


Fanatik në disa rregulla strikte, nuk mund të pranonte bashkëjetesën e motrës së tij, të paktën jo pa u martuar.
Kështu një 21 vjeçar nga fshati Kryekuq i Lushnjes, e mbylli të motrën më të madhe se ai në moshë, për tre javë në shtëpi.
Vajza 23 vjeçare M.Ll., denoncoi në polici të vëllanë duke thënë se prej tre javësh ai e ka mbajtur me zor të mbyllur në banesë jashtë dëshirës së saj, duke mos e lënë të shkonte të jetonte me të fejuarin.
Burime zyrtare nga policia i thanë Noa.al, se 21 vjeçari i kishte thënë së motrës se vetëm kur të martohej do ta lejonte që të jetonte me të fejuarin.
E rebeluar nga pengesa e vëllait, vajza e dashuruar me njeriun e zemrës, e denoncoi familjarin e saj në polici pa pyetur se ç'do mendonin të tjerët.
Pas denoncimit të bërë ndaj të riut, në ngarkim të 23 vjeçares lëshua urdhëri i menjëhershëm të mbrojtjes, ndërsa ndaj vëllait të saj nisi procedimi penal në gjendje të lirë, i akuzuar për “Heqje të paligjshme të lirisë./NOA