Paguan më shumë nëse nuk porosisni asgjë

Pyetja klasike “çfarë dëshironi?” është e pritshme nga çdokush që ulet në një bar. Por klientët e një bari në Varese të Italisë duhet të tregohen të kujdesshëm me përgjigjen që do të japin.

Menaxherët e barit “Ancient coffee Bosisio”, kanë hartuar një listë provokative për ata që ulen në tavolinë dhe nuk porosisin.

Përgjigja, “jo, faleminderit” do t’ju kushtojë 1 euro, “pres të tjerë” 1.5 euro. “Jam në rregull” do t’ju kushtojë 2 euro, ndërsa nëse zini një tavolinë me katër karrige për një orë do të paguani 5 euro.

“Sigurisht që nuk mund t’i dërgohet një faturë një klienti që nuk ka konsumuar asgjë, por kjo është një mënyrë vërtetë e lezetshme për t’u tërhequr vëmendje klientëve për këtë temë”, shpjegon menaxheri i barit.