Bie nga ballkoni, vogëlushin 1-vjeçar e shpëton kalimtari i rastit

Në Kinë, një fëmijë 1-vjeçar ka mundur të ngjitet në parvazin e ballkonit të shtëpisë që ndodhej në katin e dytë.

Vogëlushi është spikatur nga disa kalimtarë të rastit dhe kjo i ka shpëtuar jetën atij pasi djali ra dhe është pritur nga një burrë që qëndronte poshtë ballkonit për ta pritur atë. Kjo aventurë e frikshme ka zgjatur disa minuta dhe falë 2 kalimtarëve vogëlushi nuk ka pësuar asnjë dëmtim.

“ Ndjehem i lumtur që djali shpëtoi. Në ato momente mendoja rrezikun që po kanosej. Disa njerëz po vendosnin kartona dhe sedilje, në rast se unë do të dështoja në kapjen e fëmijës. Por, fatmirësisht djali nuk pësoi asnjë dëmtim.”, tregon Li.