Raporti: 85 për qind e të miturve i drejtohen drogës

• Vështirësitë ekonomike, ndikimi i shoqërisë dhe konfliktet në familje janë shkaqet që i drejtojnë fëmijët te droga

Përdorimi i substancave narkotike dhe braktisja e shkollës janë dy problemet kryesore me të cilat përballen sot të miturit.

Raporti i fundit nga “Save the Children” në vendin tonë tregon se 85 për qind e nxënësve nxiten të përdorin substanca narkotike, kryesisht nga nevoja për t’u dukur dhe kureshtja.

Nga fëmijët e anketuar, 60 për qind e tyre shprehen se numri i përdoruesve të substancave narkotike ka tendencë të rritet vazhdimisht, ndërsa 53 për qind, shprehen se paratë për të blerë drogën sigurohen nëpërmjet vjedhjes, marrjes së parave borxh apo shitjes së drogës.

Shkaqet që i drejtojnë fëmijët te droga janë vështirësitë ekonomike, ndikimi i shoqërisë dhe konfliktet në familje. Të miturit e përfshirë në sondazh u bënë apel prindërve për të qenë më të kujdesshëm ndaj tyre.

Për realizimin e këtij raporti u angazhuan grupet e drejtuara nga fëmijët nga qendrat e “Save the Children”, të cilët anketuan 450 fëmijë në 12 shkolla.

/Shekulli Online/L.B./

mjere ato familje