ALARM! Peshku helmues mbërrin në brigjet e Adriatikut

Ekspertët paralajmërojnë që peshku të mos konsumohet pasi është vdekjeprurës


Peshku helmues me lëkurë të argjendtë ka mbërritur në ujërat e detit Adriatik. Alarmi vjen nga Instituti Oqeanografik Spalato. Mediet italiane shkruajnë se ditët e fundit, peshkatarët në Itali kanë kapur një numër të lartë peshqish të këtij lloji.

Sipas Il matino, Ky peshk është i rrezikshëm për t’u konsumuar nga njeriu, pasi mishi i tij përmban toksina të rrezikshme për njerëzit.

Është i bukur për t’u parë, por jo për t’u ngrënë. Peshku i cili ka mbërritur në brigjet e Italisë, provokon paralizë të sistemit të frymëmarrjes dhe mund të shkaktojë vdekjen e konsumatorëve. Prezenca e tij në Mesdhe përbën një rrezik të madh për ata që s’e njohin.

/Shekulli Online/E.H./