Kosovë, në shkurt plani për veriun

Policia e Kosovës, EULEX-i dhe KFOR-i po hartojnë një plan të ri operativ për veriun e Kosovës, pas incidenteve të regjistruara së fundmi në këtë zonë.
Lajmin e bën të ditur e përditshmja kosovare “Koha Ditore”, sipas të cilës plani në fjalë ka si qëllim luftimin e krimit të organizuar dhe kontrabandës.

Sipas gazetës, e cila iu referohet burimeve që kanë ruajtur anonimatin, shkak për hartimin e planit të ri, që pritet të jetë gati në muajin shkurt, është bërë edhe përdorimi i targave të prodhuara nga Serbia.

Ndërkohë që një tjetër faktor është edhe siguria, e cila konsiderohet si tejet e brishtë, sidomos pas djegies së makinës së një zyrtari të EULEX-it dhe sulmit ndaj disa zyrtarëve të OSBE-së