Berat, debat për regjistrimin e popullsisë

Intelektualë, zyrtarë lokalë dhe drejtues të shoqatave të ndryshme në qytetin e Beratit janë shprehur kundër regjistrimit të popullsisë në bazën e deklarimit të kombësisë dhe fesë.
Duke lakmuar një pension apo dokumenta dhe leje qëndrimi në shtetin grek në këmbim të ndryshimit të kombësisë, shumë qytetarë të Beratit kanë preferuar ta ndryshojnë kombësinë shqiptare në atë greke.

Kryetari i bashkisë së Beratit, Fadil Nasufi është shprehur i shqetësuar nga ky fenomen që mund të pësojë rritje dhe të devijojë realitetin.

Edhe historiani Pëllumb Xhufi është shpreh kategorikisht kundër kësaj forme të regjistrimit.

“Ky regjistrim i popullsisë në këtë formë, absolutisht nuk duhet bërë. Sidomos, nëse do të përmbajë ato dy cështje të vetëdeklarimit nga ana e qytetarëve të përkatësisë etnike dhe fetare”, ka deklaruar Xhufi.

Ndërsa publicisti Dritan Hila ka thënë se regjistrimi i popullsisë bëhet për të mësuar moshën e popullsisë, apo rritjen e numrit të saj në tërësi, por nuk ka pse shqiptarët të detyrohen të tregojnë kombësinë apo besimin fetar.