Gramsh, shëmbet ndërtesa, 3 të vdekur

Tre persona humbën tragjikisht jetën pas shëmbjes së një ndërtese në rrethin e Gramshit.
Ngjarja e rëndë u regjistrua në orët e mbrëmjes së premte kur tre viktimat kishin shkuar në një ndërtesë të ish-repartit ushtarak në fshatin Bratili, për të mbledhur skrap. Por gjatë kërkimeve për skrap, tavani i ndërtesës ka rënë duke u marrë jetën.

Autoritetet kanë verifikuar identitetin e viktimave, që janë Altin Elezi, 37 vjec, Nazif Boja 22 vjec dhe Dritan Hoxholli.

Policia, e njoftuar nga banorët, ka mbërritur në vendngjarje dhe ka nisur hetimet për të kryer hetimet e nevojshme për zbardhjen e plotë të tragjedisë.