Shqipëria, 100 mijë dollarë për Japoninë

Qeveria shqiptare ka vendosur një fond prej 100 mijë dollarësh për të ndihmuar Japoninë e prekur nga tërmetet dhe tsunami që ka shkaktuar disa mijëra viktima dhe dëme të mëdha ekonomike.
Duke folur në mbledhjen e Këshillit të Ministrave, kryeministri Sali Berisha ka shprehur solidaritetin e vendit tonë për popullin japonez.

“Kemi vendosur caktimin e një fondi prej 100 mijë dollarësh amerikanë. E ndjekim me shumë shqetësim dhe shumë admirim potencialin e jashtëzakonshëm me të cilin ky vend po përballon këtë katastrofë, ku pasojat do të ishin më të mëdha nëse do të ndodhte në tjetër vend”, theksoi Berisha.

Nuk e mbështet llogjika këtë veprim!
Japonia është e treta në botë nga ekonomia dhe nuk e shpëtojnë 100 mijë dollarë!
Qeveria Shqiptare, po të dërgonte ushqime do ishte e para e vëndit por me 100 mijë dollarë kemi ngatërruar Japoninë me shtëpi dykatëshe!