Fier, kapet 1.5 ton drogë, do trafikohej me skaf në Itali

FIER – Lajmifundit – Një sasi e madhe lënde narkotike marihuanë, u sekuestrua sot nga policia e Fierit në grykëderdhjen e Semanit.
Lënda narkotike u bllokua ende pa u ngarkuar në një skaf që dyshohet se do të mbërrinte ne bregdet për të marrë sasinë e drogës dhe për ta transportuar atë drejt Italisë.
Sipas burimeve nga policia droga ishte paketuar në 92 thasë të cilët do të ngarkoheshin në skaf.
Sipas policisë, mësohet se droga është mbledhur në disa zona të Shqipërisë dhe është dërguar me zetor në rrugë të vështira në drejtim të bregdetit për të shmangur rrugët automobilistike.