Alarmi për paratë false, reagon policia

Në një deklaratë për
shtyp zëdhënësja e Drejtorisë së Përgjithshme të Policisë ka deklaruar
se deri më tani nuk ka patur denoncime nga individë apo banka për
praninë e parave fallso.


“Drejtoria e Përgjithshme e Policisë
së Shtetit pas disa shkrimeve në media, sipas të cilave, është hedhur në
treg para e falsifikuar, sqaron se strukturat e policisë së shtetit nuk
kanë konstatuar asnjë rast apo nuk kanë marrë asnjë denoncim nga njerëz
të ndryshëm apo nga bankat. Drejtoria e Përgjithshme e Policisë së
Shtetit fton të gjithë qytetarët që të denocojnë çdo rast falsifikimi që
ata konstatojnë”, theksoi zëdhënësja.

Reagimi i saj ka ardhur pas akuzave të PS-së për qeverinë “Berisha” e
cila, sipas deputetit Namik Dokle, po trafikon kartmonedha të
falsifikuara për të blerë votat e shqiptarëve në zgjedhjet e 8 majit.