Topi i kërkon Kinës njohjen e Kosovës

Në kuadër të vizitës së tij në Kinë, presidenti i Republikës së Shqipërisë, Bamir Topi, është takuar me kryetari i Komitetit të Përhershëm të Asamblesë Popullore të Republikës së Kinës, ndryshe kryetarin e Parlamentit të këtij vendi, Ëu Banguo. Gjatë bisedës, Topi dhe Banguo diskutuan për situatën në Ballkan duke u ndalur në çështjen e Kosovës, ku kryetari i Shtetit shqiptar theksoi qëndrimin e Shqipërisë se njohja e pavarësisë së Kosovës është mënyra e vetme për t’i kontribuar stabilitetit afatgjatë dhe paqes jo vetëm rajonale, por edhe globale.
Gjithashtu, ai vuri në dukje se Shqipëria mbështet dialogun e sinqertë e konstruktiv mes Kosovës dhe Serbisë për zgjidhjen e çështjeve praktike, çfarë do t’u shërbente interesave të përditshme të qytetarëve të tyre.