Berisha, miting elektoral në Korçë
Sun 10 Apr 2011 - 14:35
Kryetari i Partisë
Demokratike dhe kryeministri i Shqipërisë, Sali Berisha, ka prezantuar
kandidatin për bashkinë e Korçës të “Aleancës së Qytetarit”, zotin
Andrea Mano.
“Korça do të njohë transformimet më të mëdha në 4 vitet e ardhshme. Me
Andrea Manon do të rindërtojmë qendrën e Korçës, do ta shndërrojmë në
një nga qendrat më të zhvilluara turistike. Qendra do të jetë sërish
krenaria e korçarëve”, u shpreh Berisha.
“Edi Rama ka risjellë në skenë hijen e politikës së vjetër por jam i
bindur se korçarët do të zgjedhin alternativën më të mirë për ta”, shtoi
kreu i PD-së.
Andrea Mano, nga ana e tij, deklaroi: “Do të angazhohem në mënyrë të
pakursyer për t’i shërbyer komunitetit. Korça është në një moment të
vështirë për faj të gabimeve që ka bërë kryebashkiaku aktual. Nuk është
kujdesur për të zhvilluar infrastrukturën dhe korçarët janë larguar. Unë
kandidoj sepse ky kryebashkiak nuk është në gjendje t’i japë Korçës atë
që meriton, nuk mund të toleroj mungesën e përgjegjësisë dhe dua t’i
rikthej Korçën qytetarëve.”
Drejtat e ktij Forumit:
Ju nuk mund ti përgjigjeni temave të këtij forumi
|
|