SHBA e BE kundër vendimeve të serbëve të Bosnjës

Sarajevë, 16 prill, Shtetet e Bashkuara dhe Bashkimi Evropian kanë dënuar hapat e marra nga serbët e Bosnjës, që synojnë të sfidojnë gjykatat dhe prokurorinë e vendit.
“Vetëm terroristët, kriminelët dhe të korruptuarit i tremben gjykatave të shtetit dhe prokurorisë”, thuhet në deklaratën e ambasadës së SHBA-ve në Sarajevë.
Komunikata ishte e fundit në mesin e deklaratave të perëndimorëve të bëra pas vendimit të serbëve të Bosnjës që e cilësonte sistemin e drejtësisë në B e H kundër serbëve.
Parlamenti i Republikës Serbe të Bosnjës mbështeti edhe propozimin e presidentit të këtij entiteti, Milorad Dodik, për të mbajtur referendum për vendimet e të dërguarit ndërkombëtar, i cili ka fjalën e fundit në një numër fushash.