Qëndroi përgjithmonë i ri dhe na fali ëndrrën

24 vjeçari Xhejms Din vendosi të kalonte në përjetësi. Si mbret i valës së ndryshimeve që përplaset furishëm

në brigjet e jetës shkëmbore dhe si personifikues i guximit, revolucionit dhe thyrjes së rutinës, iku pa përshëndetur askënd, hipi mbi re dhe u shndërrua në ylber shumëngjyrësh…

Simbol i pavarësisë

Rebel Without a Cause, i bëri Amerikanët e asaj kohe të bënin endoskopi në jetën e fëmijëve të tyre. Hoqën nga zonjushat e reja të kohës dorashkat dhe kapelet prej tyli. Xhejms Din ishte padyshim një ndër aktorët më të preferuar të Hollivudit. Shuarja e një ylli që ndriçonte anembanë botës gjakosi ëndrrat dhe shpresën për vazhdim…

Rinia reagoi si të ishte prerë filli i jetës se tyre. Si të ishte ndalur bobina e filmit në sallën e errët të kinematografisë…

Bashkëshortet dhe shtëpiaket i pamë të rendnin drejt universiteteve, të kërkonin një vend në rrethin e tyre shoqëror, dhe fundet të flakeshin në erë nën ritmin e muzikës rock. Rebeli pa shkak, luajti rol përfundimtar në zgjimin e rinisë së djegur gjatë viteve 50, 60 dhe 70, ku të rinjtë ishin të etur për modele të reja personalitetesh. Dhomat e adoleshentëve u pushtuan nga posterat e idhujve të tyre si: Xhejms Din, Xhon Baez etj. Të gjithë këta si një buqetë lulesh simbolizonin pavarësinë përballë prindërve dhe mësuesve. Kështu vdekja, u bë mit dhe Xhejms Din nga Fermundi i Indiana shkroi me shkronja të arta emrin e tij në asfaltin e Holam të Kalifornisë, më 30 shtator 1955. Buletini policor atë ditë shkruante “përplasje vdekjeprurese për shkak rrëshqitjeje në rrugë nga shiu dhe shpejtësia e jashtëzakonshme”. Porshja e re ngjyrë argjendi e Xhemjs Din ishte prerë në dy pjesë kur u përplas me automjetin e një studenti. Ishte vetëm 24 vjeç dhe rrugët drejt suksesit ishin hapur gjeresisht për të. Në dëgjimin e lajmit tragjik, zemrat ngrinë kallkan dhe reagimi i njerëzve para shpërthimit të madh ra në HESHTJE.